ЯНГИ ЙИЛИМ


Малика ТАВФИҚ (САЛИМОВА)
ЯНГИ ЙИЛИМ

Бир силталаб қўйди бизни яратган Зот,
Кўзингни оч, ақлингни йиғ, эй одамзот,
Орзуларим қолганини этмай барбод,
Яхши йилим бўлиб келгин янги йилим!

Бугун борга эрта борлик бўлди гумон,
Даҳшатлардан бор вужудим титрар ҳамон,
Кимга қандай сабоқ бўлди бу имтиҳон,
Яхши йилим бўлиб келгин янги йилим!

Ўйин-кулгу, борди-келди байрам бўлсин,
Кулгуларнинг жарангига уйлар тўлсин,
Энди фақат яхши йиллар кириб келсин,
Яхши йилим бўлиб келгин янги йилим!

Нима бўлса бўлган бўлсин эски йилда,
Ҳайр деб қўй эски йилни кўрсанг йўлда,
Сендан ширин ҳотиралар қолсин дилда,
Яхши йилим бўлиб келгин янги йилим!

26.12.2020.










Гость, изоҳ қолдирасизми?
Имя:*
E-Mail:


Маълумот