Мелис Абзалов таваллуд топган кун (1938 - 2016)


   Мелис Абзалов — ўзбек актёри, режиссёри ва сценарийчиси, Ўзбекистонда хизмат кўрсатган артист (1987). Мелис Абзалов ўзбек киносининг асосчиларидан ва энг ёрқин намоёндаларидан бири ҳисобланади. Мелис Абзаловнинг энг машҳур фильмлари „Суюнчи“ (1982), „Келинлар қўзғолони“ (1984), „Армон“ (1986) ва „Ўтган кунлар“ (1997) фильмларидир.
   Мелис Орипович Абзалов 1938 йилнинг 18 Ноябрь куни Тошкент вилоятидаги Янгийўл туманида таваллуд топган. У 1961 йил Тошкентдаги Островский номидаги Театр ва рассомлик санъати институтини битирган. 1962 йил „Ўзбекфильм“да ишлашни бошлаган. 
  1961-1962-йиллар Ёш томошабинлар театрида актёр бўлиб ишлаган. 1962-1965-йиллар „Ўзбекфильм“ киностудиясида режиссёр ассистенти, кейинчалик режиссёр ва актёр, 1989 йилдан „Ватан“ киностудиясининг бадиий раҳбари бўлиб фаолият юритган.
   Абзалов ижодига комедия жанридаги фильмлар яқин бўлиб, улар ўзига хос миллий бўёқларга бойлиги, характерларнинг тўлиқ очилганлиги билан ажралиб туради. Фильмларида енгил лирика ўткир сатирик эпизодлар билан уйғунлашиб кетади.
   Абзалов актёр сифатида Абдулла („Еттинчи ўқ“), Оллоёрбой („Инсон қушлар ортидан боради“), Эшон Зайнулло („Қўқон воқеаси“), Қорашоҳ („Арслоннинг саргузаштлари“) ва бошқа образларни яратган. Режиссёр сифатида „Чинор остидаги дуэл“, „Суюнчи“, „Келинлар қўзғолони“, „Армон“, „Майсаранинг иши“, „Кўзларим йўлингда“, „Ўтган кунлар“ каби фильмларни ишлаган.
   2016 йилнинг 25 Октябрь куни Стокгольм шаҳрида вафот этган.

Фильмографияси
Режиссёр сифатида:
„Чинор остидаги дуэль“ (Русча: «Дуэль под чинарой») (1979)
„Суюнчи“ (Русча: «Бабушка-генерал») (1982)
„Келинлар қўзғолони“ (Русча: «Бунт невесток») (1985)
„Армон“ (Русча: «Уходя, остаются») (1986)
Русча: «Восточная плутовка» (1989)
„Ўтган кунлар“ (Русча: «Минувшие дни») (1997)

Актёр сифатида:
Русча: «Белые, белые аисты» (1966)
Русча: «Влюбленные» (1969)
Русча: «Седьмая пуля» (1972)
Русча: «Встречи и расставания» (1973)
Русча: «Поклонник» (киноальманах) (1973)
Русча: «Ты, песня моя» (1975)
Русча: «Человек уходит за птицами» (1975)
Русча: «Далекие близкие годы» (1976)
Русча: «Птицы наших надежд» (1976)
Русча: «Буйный „Лебедь“» (1977)
Русча: «Это было в Коканде» (1977), „Оловли йўллар“ (Русча: «Огненные дороги») (1978) (Сериал)
Русча: «Любовь моя» (1981)
Русча: «Уроки на завтра» (1983)
Русча: «Я тебя помню» (1985)
Русча: «Клиника» (1987)
Русча: «Приключения Арслана» (1988)
Русча: «Чудовище или кто-то другой» (1988)
Русча: «Восточная плутовка» (1989)
Русча: «Кодекс молчания» (1989)
Русча: «Шок» (1989)
Русча: «Битва трех королей» (1989)
Русча: «Маклер» (1992)
„Алпомиш“ (Русча: «Алпомыш») (2000)
„Дронго“ (Русча: «Дронго») (2002)
Русча: «Застава» (2007)










Гость, изоҳ қолдирасизми?
Имя:*
E-Mail:


Маълумот