2017 ЙИЛДА ОДАМ БОШИ БОШҚА ТАНАГА КЎЧИРИЛАДИМИ?


 2017 йилда ОДАМ БОШИ БОШҚА ТАНАГА КЎЧИРИЛАДИМИ?!

     Бундан бир неча йил олдин Навоий вилоят телерадиокомпаниясида ишлаб юрган кезларим қизилтепалик Рустам Қувондиқов исмли истеъдодли шоир ҳақида кўрсатув тайёрлагандим. У эфир юзини кўргач, ногиронлик аравачасидаги қаҳрамоним билан танишмоқчи, унга ёрдам қўлини чўзмоқчи бўлганлар кўпайганди. Рустамнинг оёқ-қўллари шол бўлиб ўзига бўйсунмас, онасининг ёрдамига муҳтож эди. Ҳар сафар улар томонга йўлим тушиб уйларига кирганимда ҳаётини боласи учун бағишлаган онаизор Ҳабиба опа ўз армонини гапириб шундай дерди: "Боласининг ногирон туғилгани учун отаси биздан воз кечганди. Қани эди бир мўъжиза бўлса-ю, шу болам отасининг олдига ўз оёқлари билан юриб борса...”


Ҳайратомуз янгилик!

 

 

     Тиббиётда хавфли саналган ва ҳеч қандай давоси топилмаган касалликлардан бири Вердинг-хоффмандир. Унда мушаклар ривожланмай шоллик кузатилади, кўпчинча бемор бошини ҳам тутиб туролмайди. Бундай касалликка чалинганларнинг умри жуда қисқа бўлиб, аксарияти йигирма ёшга етади ёки йўқ. 30 ёшдан ошган россиялик ногирон Валерий Спиридоновни эса омади чопди. У бошқалардан узоқроқ яшади. Аммо вақт ўтиши Валерийни қувонтиролмайди. Шу сабабли ҳам у ўз истаги билан мураккаб (ўз навбатида ўлим билан тугаш эҳтимоли катта) жарроҳлик бош трансплантациясига рози бўлди.
     Агар барчаси режадагидек бўлса, Спиридонов дунёдаги энг биринчи боши олиниб бошқа одамнинг танасига қўйилган инсон бўлади.

     Бу шов-шувли хабар неча ойдирки дунё олимларининг баҳс ва мунозараларига сабаб бўлмоқда.

 

Лайло Каримова