Саховат шоу


 

     Бугун Karavan TV - севимли телеканалида "Саховат шоу" телелойиҳаси бўлиб ўтди. Танловда икки гуруҳ ўзаро рақобатлашишди. Феруза Собитова иштирок этган "Парвоз" жамоаси ва уларга рақиб жамоа мазали таомлар тайёрлаш бўйича беллашишди. Ғолиб жамоага 10 миллион пул мукофоти белгиланди. Шоуда санъатимиз юлдузларидан - Севара Солиева, Мавлуда Асалхўжаева, Суғдиёна Азимова, Улуғбек Раҳматуллаев, Ҳалимахон Ибрагимова, Нилуфар Усмонова ва бошқалар иштирок этишди. Кўрсатувни хонанда - Самандар Ҳамроқулов олиб борди. Ҳайъат аъзолари - актриса - Саида Раметова ва актёр ва режиссёр - Рустам Саъдуллаев ҳамда бошқа соҳа вакиллари жамоалар томонидан тайёрланган таомларни баҳолашди. Натижалар ҳозирча сир. Шоу якунида санъаткорларга аталган байрам совғалари журналист - Парвиз Фаттоев томонидан эгаларига топширилди. Янги йил арафасида мазкур кўрсатувни севимли телеканалида томоша қилишингиз мумкин.