Хаёлимдан ўчиролмайман

Сиз қуёшга ўхшайсиз, жоним,
Яқин борсам куйиб кетарман.
Узоқлашсам, соҳибқироним,
Ёруғликсиз яшаб нетарман.
Қанотлари куйган парвона,
Янглиғ сизга интилар юрак.
Нур қўйнида жон берсам, магар,
Қадрим сизга билинса керак.

***

Сени хаёлимдан ўчиролмайман,
Бепарво нигоҳинг кечиролмайман.
Сен дилимда энг севган қушим,
Кўнглимнинг кўшкидан учиролмайман.
Кулган кўзларимнинг қуёши, моҳи,
Қалбим саройининг сарвари, шоҳи.
Сен тонгдаги мунаввар тушим,
Нетай, кунларимга кўчиролмайман.

Фарида Султон (Ҳусаинова)