КУЛИБ ҚЎЙСАНГ...

Рамазон АШУРОВ

КУЛИБ ҚЎЙСАНГ...

Бағрингга бош қўйиб ётсам тонглар отса,
Эркаласам қучоғингда куёш ётса.
Муҳаббатнинг қанотида учиб юрсам,
Айтолмасам севгимни мен кўзим сотса.

Кулганимда юзларимда кулгич бўлсанг,
Лабларимда мангу қолган ўпич бўлсанг.
Хаёлатнинг теграсида гир айланган,
Ошиқларинг охларида ўкинч бўлсанг.

Нафас олсам кўксимда сен нафас бўлсанг,
Юрагимни аср олган қафас бўлсанг.
Яшайверсам, яшайверсам толиқмасам,
Севишганлар орзу қилган ҳавас бўлсанг.

Титрайверсам титроғингда титроқ бўлиб,
Бошларингга тўкилсамда япроқ бўлиб.
Ухласанг сен оғушимда ором олиб,
Тушларингни қўрисам яроқ бўлиб.

Гулга чўзсанг қўлларингда гул бўлсам мен,
Сув ичмасам қучоғингда хўл бўлсам мен.
Кулиб туриб йиғласанг сен соғинчлардан,
Ёшларингнинг томчисидан кўл бўлсам мен.

Ишқ боғининг боғбонимас шоҳи бўлсанг,
Ойга ўхшаб кун санамай ҳар кун тўлсанг.
Ўтганингда виқор билан ёнгинамдан,
Шу боғнинг бир гадосига кулиб қўйсанг.