СЕНГА ЎХШАГИМ КЕЛАДИ, БАҲОР


СЕНГА ЎХШАГИМ КЕЛАДИ, БАҲОР

Қалбимда очилди гўё бир тилсим,
Сирларинг маҳзани адо бўлмасдек.
Оппоқ орзуларга тўлди бу кўксим
Руҳимни осмонга олиб учгандек.
Бунчалар фусункор бўлмасанг, баҳор,
Мен сенга ўхшагим келади такрор!
Мени ҳам сен каби кутишармикин,
Йўлларимга бўлиб зор-зор, интизор.
Қани гўзал бўлса шеърларим сендек,
Илдизлари теран, сеҳрли гулзор.
Бунчалар фусункор бўлмасанг, баҳор,
Мен сенга ўхшагим келади такрор!
Хушбўй гулларингга бағримни тутдим,
О, мавжланиб кетди ҳислар зилоли.
Дилбар кунлар аро ўзни унутдим,
Аллаладинг мени гўдак мисоли.
Бунчалар фусункор бўлмасанг, баҳор,
Мен сенга ўхшагим келади такрор!

Нилуфар ЖАББОРОВА

***

SENGA O‘XSHAGIM KELADI, BAHOR

Qalbimda ochildi go‘yo bir tilsim,
Sirlaring mahzani ado bo‘lmasdek.
Oppoq orzularga to‘ldi bu ko‘ksim
Ruhimni osmonga olib uchgandek.
Bunchalar fusunkor bo‘lmasang, bahor,
Men senga o‘xshagim keladi takror!
Meni ham sen kabi kutisharmikin,
Yo‘llarimga bo‘lib zor-zor, intizor.
Qani go‘zal bo‘lsa she’rlarim sendek,
Ildizlari teran, sehrli gulzor.
Bunchalar fusunkor bo‘lmasang, bahor,
Men senga o‘xshagim keladi takror!
Xushbo‘y gullaringga bag‘rimni tutdim,
O, mavjlanib ketdi hislar ziloli.
Dilbar kunlar aro o‘zni unutdim,
Allalading meni go‘dak misoli.
Bunchalar fusunkor bo‘lmasang, bahor,
Men senga o‘xshagim keladi takror!

Nilufar JABBOROVA










Гость, изоҳ қолдирасизми?
Имя:*
E-Mail:


Маълумот