Товус ва булбул


Май бор давралардан ахтарманг мени,
Ғийбат бор даргоҳда мурдам ҳам бўлмас.
Қайда фисқу-фасод, кибр, ғирромлик,
У ердаги излар меники эмас.

Ишончни топтамоқ - энг олий гуноҳ.
Ёлғон бор ерларда гумон юрмоғим.
Мени ясаётган чоғида Оллоҳ,
Оёқлар остидан олган тупроғим.

Касб-у, корим сипо, ниятим ҳолис.
Мудом рост сўзимдан егайман таёқ.
Шохнинг саройида бўлгандан товус,
Чангалзорда булбул бўлган яхшироқ.

 

Малика Салимова