БАҲОР


 

БАҲОР
(ҳазил)

Артистлар феълига ўхшайди баҳор,
Бир лаҳзада минг бир ролга киради!
Куртка кийгин дея уқтирса наҳор,
Туш пайти тепангдан офтоб уради!


Булут босиб секин шивалар ёмғир,
Шомда чақмоқ чақиб бошланади дўл!
Куртканг боя бўлиб турганди оғир,
Энди-чи уст бошинг шалоббо, жиқ ҳўл!


Дейсан соябонни олмовдим нега
Саҳар салқинидан жунжиксада эт?
Кун очиқ бўлар деб алдаган экан,
Роса чув туширди қурғур интернет!