БОЛАМ
Бутун дунё болаларига ҳақиқий бахт тилайман!!! БОЛАМ
Кун айёрдир, доим айбин беркитар,
Тун зулматдир, ҳеч сирини айтмайди.
Гоҳ қуёш тафти йўқ нурин силкитар,
Доим керакман, деб ортга қайтмайди.
Айб сирин англагин тафаккургинам,
Сўқир адолатга қаддингни букма.
Болам,
Болажоним,
Болажонгинам,
ҲАҚ сўздан тож кийгин, бошингни эгма!
Сен тонгдек беғубор, шабнамдек тоза,
Билмайсан дунёда разолат жангин.
Кўнглингдан кўнгиллар олиб андоза,
Оламга сепсайдим дилингнинг рангин.
Шунда ўзлигимдан қолмас ҳеч гинам,
Шон-шараф олдида қадри хор бўлма,
Болам,
Болажоним,
Болажонгинам,
РАЗОЛАТнинг разил жангини кўрма!
Холбуки билмайсан кўнгилни бўғиб,
Барча орзуларга тўсиқ қўйишни.
Онангнинг ғамбода кўзига боқиб,
Бардошнинг нелигин англаб ўсишни...
Умр ўзи бир тутам, дилпорагинам
Дардлардан баланд бўл, бағрингни тилма.
Болам,
Болажоним,
Болажонгинам
Илоҳим, БАРДОШнинг нелигин билма!
Қара, томирлари заминни қучган
Қаршингдаги дарахт сен учун виқор.
Лек сезмайсан унинг қанчадан қанча
Асло битмайдиган кемтиклари бор.
Сувратга алданма, теран кўзгинам,
Идрок йўлларида мақсадсиз кезма.
Болам,
Болажоним,
Болажонгинам,
Асло КЕМТИКЛИКнинг нелигин сезма!
Замин зир титрайди, муҳаббат тонар,
Башарият кечиб кетар боридан.
Гўдак вужудида лаҳча чўғ ёнар,
Тонса гар оталар номус, оридан.
Дарднинг сочи узун, озори алам,
Қисмат айёр, унинг ҳолини сўрма.
Болам,
Болажоним,
Болажонгинам,
Умрбод ОРСИЗЛИК нелигин кўрма!
Болам, орзулардан гулдаста ясаб,
Оппоқ юрагингга жойлаб қўйяпман.
Бахтибекамликни илтижо қилиб
Сенчун Худойимдан сўраб оляпман!
Кўнглинг билан яша, кўнглингни севгин.
Мажбурлик сиртмоғин бўйнингга илма.
Болам,
Болажоним,
Болажонгинам,
КЎНГЛИ ЯРИМЛИКнинг нелигин билма!
Тириклик маънисиз, умр хор ўтар,
Оқибат илдизин синдирса иллат.
Халқ йўқликнинг чексиз йўлидан кетар,
Орият йўқолса, яшамас миллат.
Миллатинг шаъни бўл, тириклик тожи,
Абадият сенга қаддин тик тутар.
Болам,
Болажоним,
Болажонгинам,
ОРИЯТ, ҒУРУРнинг байроғин кўтар,
ОРИЯТ, ҒУРУРнинг байроғин кўтар!!!
Нилуфар ЖАББОРОВА
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот