АЛДАР


Бизни сохта, чала рақамлар алдар,
Янглиш рақам айтган одамлар алдар.
Бизни ёлғон ваъда, мунофиқ амал,
Риёкор қўйилган қадамлар алдар.

Бизни "бари яхши" дебон ёронлар,
"Ҳаммаси чин" дея санамлар алдар.
Бизни йўқни бор деб айтган нотиқлар,
Лофни рост деб ёзган қаламлар алдар.

Бизни қўлдан кетган имкону, орзу,
Дарз кетган ишончу, чидамлар алдар.
Бизни аллақачон ўчай деб турган,
Номи умид бўлган шағамлар алдар...

БОБУР БОБОМУРОД
2020.18.7. 03:33.