ЖАЙДАРИ ТАСАВВУР


Қўчқор НОРҚОБИЛ
ЖАЙДАРИ ТАСАВВУР

Самолётлар адашди йўлдан,
Тўхтаб қолди поездлар бирдан...
Бу дунёни зулумот қучди,
Бор йўғи — чироқ ўчди.

Идорада тошдай қотди иш,
Компьютер жим... ҳамма фаромуш...
Бошлиқ ҳайрон оғзини очди,
Бор йўғи — чироқ ўчди.

Қўрқиб кетдик — аён дардимиз,
Биз чироққа қулмиз, бандимиз...
Гўё олам йўқликка учди, 
Бор йўғи — чироқ ўчди.

Қайда қолди кўнгилдаги нур?
Қалбингни кўр! Наҳот қалб ҳам кўр?!
Қачон дилга зимистон кўчди?
Бор йўғи — чироқ ўчди. 

Тараққиёт гоҳо тасқара,
Наъра тортар — қилар масхара
Еру осмон жойидан кўчди, 
Бор йўғи — чироқ ўчди.

Адаштирар сени бу олам,
Ўзингда нур бўлмаса одам.
Шу он дилдан кўп ўйлар кечди...
Бор йўғи — чироқ ўчди.










Гость, изоҳ қолдирасизми?
Имя:*
E-Mail:


Маълумот