Киракашларни овловчилар чув туширишди


     Ҳайратлардан тил тишлаб, лол бўлиб ёзяпман...Ўтган ҳафта телефонимни ўғирлаб кетишди...
     Қўйлиқдан Сергили томон келаётган эдим. Йўлда телефоним жиринглаб қолди. Машинани четга олиб, тўхтадим. Йўл четида турган икки йигит "бизга тўхтади", - деб ўйлади шекилли, югуриб келиб, биттаси машинамга ўтириб олди. Телефонда гаплашиш жараёнида: "Мен такси ҳайдовчи эмасман", - дейишимга қарамай, "Илтимос, Ўзгаришгача етиб олай", - дегач, йўлим бўлгани боис, рози бўлдим. Суҳбатлашиб бўлгач, телимни радиони тагига қўйиб, машинани юргаздим. Шу пайт ёнимдаги бола: "Пул олмабман-ку, тўхтаб туринг, пул олволай", - дея шайтонлаб қолди. Мен яна четга тўхтадим. У ойнадан шеригига бақирди. Соқолли бола негадир ўртоғи томондан эмас, ҳайдовчи томондан келиб "кенайи, машинангиз бензинми, газми, бориб келиш нечи пул бўлади?", - деди. Менинг жаҳлим чиқиб: "Укам, мен киракаш эмасман. Ишга кетяпман. Қайтмайман", - дедим. Шунда у шеригига: "Туш, кенайим таксист эмас эканлар", - дегач, ёнимдаги бола машинадан тушди ва мен машинани ҳайдаб кетдим. Чилонзорга бориб, телефон қилмоқ учун телефонимни оламан десам, у йўқ...Ҳолатимни тасаввур қилаверинг...Алам қилаётгани - ичидаги материаллар...Чилонзор туман ИИБсига ариза қилдим...Кўрамиз энди нима бўлар экан?..
     Лекин...Ҳайратим, шундай норғул йигитларни қилиб юрган ишини қаранг. Улар таксистларни "шундай овлаш" йўлига етишиб, тирикчилик қилиб юришибди...
     Огоҳ бўлинг азизлар!
Севдора Латипова - "Zo'r Тасвир" журналининг масъул муҳаррири.