Ўзбошимча ширкатчи


Ширкатчининг ўзбошимчалиги 30 млн. сўмга тушди

         

     Мажбурий ижро бюроси Чилонзор туман бўлими ходимлари томонидан тумандаги хусусий уй-жой мулкдорлари ширкати раҳбари Я.Б. Чилонзор туманидаги уй ертўласида жойлашган электр трансформаторига (ТТ)Ўзбекистон Республикаси Вазирлар Маҳкамасининг 12.01.2018 йилдаги 22-сонли Қарорига зид равишда тамғасиз, шунингдек, туман электр таъминоти корхонасига мурожаат қилмай, электр ҳисоблагични рўйхатдан ўтказмасдан, ўзбошимчалик билан ўрнатиб олиб, ушбу ҳисоблагичдан ташқари, тўғридан-тўғри электр тармоғига уланиб истеъмол қилаётганлиги аниқланган.

Ҳолатга кўра, кўп қаватли уйнинг 6 дона 4,5 кВтлик лифт қурилмалари ва жами 41 дона ёритгич электр лампочкалари беминнат кун-у-тун ёритиб хизмат қилган. Шунга қармай,  сарфланган электр  қуввати учун тўловларни ҳам амалга оширмасдан ноқонуний равишда фойдаланиб келган.

     Оқибатда таъминотчи корхона манфаатларига30 млн. 56минг сўм зарар етказилган.

     Умумий фойдаланишдаги электр тармоқларига ўзбошимчалик билан уланиш оқибатида давлат манфаатларига кўп миқдорда зарар етказганлиги сабаб  ширкат раҳбари  Я.Б. га нисбатан Ўзбекистон Республикаси Жиноят Кодексининг 1852-моддаси 2-қисми билан жиноят иши қўзғатилган.

      Ўз қилмиши ва айбига иқрор бўлган Я.Б. етказилган зарарни тўлиқ қоплаганлиги сабаблиЎзбекистон Республикаси ЖПКнинг 84-моддаси 5-қисмининг 1-бандига асосан жиноят иши тугатилган.

 

Моҳичеҳра Эшмирзаева