1-Апрель ҳангомалари - Насиба Бекчанова


     Насиба Бекчанова ("Маданият ва маърифат" телеканалининг ходимаси)."1987-88 йиллар эди адашмасам. Юқори синф ўқувчиларимиз. Рустам Қурбонбоев адабиёт ўқитувчимиз эди. Дарс тугашига қўнғироқ чалинди. Устоз билан хайрлашгани ҳамма баравар ўрнидан турди. Ҳаммамиз жўр ҳолатда ''Хайр'' дейишимизни биламиз, "хайр", - дея эшикка яқинлашган устоз жаҳл билан таққа тўхтади. Кейин синфнинг орқа тарафига қаттиқ жаҳл билан тикилди-да: ''Анави тошбақани ким синфга олиб кирдиии?'', - дея ўдағайлаб бақирди. 31 нафар ўқувчи бирданига бараварига орқага ўгирилдик. Ҳеч нарса йўқ. Шундай олдимизга қарасак, устозимиз чиқиб кетиб бўлган. Ҳамма жим ва ҳайрон. Орамизда кимдир ''бугун 1 апрель'', - дея эслаб қолди. Синфда гурра кулгу кўтарилди. Чунки анча жиддий, қаттиққўл бу устоздан ҳеч ким бунақа ҳазилни кутмаган эди. 
Мана мактабни тугатганимгаям 30 йилдан ошди. Лекин ҳар йили 1 апрелда шу воқеа хаёлимда доим гавдаланади".