АРСЛОН ва МАЙМУН
(масал)
Қайдан пайдо бўлиб ўрмонда бир чоҳ,
Унга тушиб кетди арслон баногоҳ.
Сакрабу, тирмашиб, чекиб машаққат,
Чуқурдан чиқолмай бўлди кўп диққат.
Ўра тепасида, аксига олиб,
Дарахтда бир маймун кўрди-ку қолиб.
Худо берди унга, қўрқоқ, тасқара,
Тез қила бошлади шерни масхара.
- Ҳолинг шу эканми, қалайсан, мушук?!
Жойингни топибсан сен энди, шумшук.
Қайда қолди зўринг, қайда дўқ, наъранг,
Бунинг аҳволига, халойиқ, қаранг...
Берилиб ғафлатнинг шуму, мавжига,
Мазахни чиқарди роса авжига.
Бир пайт синиб кетиб у ўтирган шох,
Макони бўлди-ку арслон тушган чоҳ.
Ўзин кўриб ногоҳ шернинг пойида,
Маймун янги нағма бошлар жойида:
- Шоҳим, ишонсангиз, айтай чин сўзим,
Узр сўрагани тушдим мен ўзим!
БОБУР БОБОМУРОД
2020.17.6. 06:50.
Бухоро.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот